Molla rejiminin Ərdəbildə həbsdə saxladığı azərbaycanlı fəal Firuz Moininin sağlıq durumu ağırdır

GADTB-nin Mətbuat Mərkəzinə daxil olan məlumata görə, irqçi fars-molla rejiminin Ərdəbildə həbsdə saxladığı azərbaycanlı fəal Firuz Moininin sağlıq durumu ağırdır.

Azərbaycanlı fəal həbs ediləndə və ondan sonra döyülərək, ağır bədən xəsarətləri alıb.

Oktyabrın 5-də ərdəbil şəhərində özünün iş yerində təhlükəsizlik məmurları tərəfindən həbs edilən milli fəal Firuz Moininin ağır vəziyyətdə olduğu deyilir.

Azərbaycanlı fəal işgəncə edildiyi üçün sol gözü görmə qabiliyyətini itirib, qulağından ciddi zədə alıb və bədəninin müxtəlif nahiyələrindən aldığı xəsarətlər nəticəsində hərəkət etməkdə çətinlik çəkir.

Qeyd edək ki, Firuz Moini bundan öncə 2018-ci ilin iyun ayında da illik keçririlən Babək Qalası Qurultayı ilə bağlı yaxalanmışdı.