Molla rejiminin Zənganda həbs etdiyi azərbaycanlı fəal Səfiyə Qarabağı zaminə buraxıldı

GADTB-nin Mətbuat Mərkəzinə daxil olan məlumata görə, irqçi fars-molla rejiminin Zənganda həbs etdiyi azərbaycanlı fəal Səfiyə Qarabağı girov qarşılığında zaminə buraxılıb.

Zəngan şəhərindən olan azərbaycanlı qadın hüquqları müdafiəçisi və fəal Səfiyə Qarabağı oktyabrın 8-də girov qarşılığında məhkəməyə qədər zaminə buraxılıb.

Molla rejimi 8 gün öncə yaxalamış tanınmış azərbaycanlı qadın fəalı “İran İslam Respublikasına qarşı təbliğat aparmaq”da ittiham edib.

Qeyd edək ki, azərbaycanlı fəal Səfiyə Qarabaği oktyabrın 1-də Zəngan şəhərində molla rejiminin ETTELAAT məmurları tərəfindən yaxalanmışdı.

Azərbaycanlı fəal bundan öncə də insan haqları sahəsindəki fəaliyyətlərinə görə həbs və təzyiqlərlə qarşılaşıb.