GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin polis qüvvələri Şərqi Azərbaycan əyalətinin Hələmsi kəndinin sakinlərinin evlərinə basqın ediblər.
İki kənd arasında çayın suyu üstündə münaqişəni həll etmək bəhanəsilə bölgəyə gələn polislər bir qadınla mübahisə ediblər, daha sonra yerli sakinlərin də məsələyə qarışması ilə münaqişə böyüyüb.
Bildirilib ki, qarşıdurmanın ardından İran silahlı qüvvələri silah və hərbi texnikalarla kəndilələrin evlərinə hücum edib, qapıları sındırıb, avtomobillərə ziyan vuraraq, dövlət nömrə nişanlarını oğurlayıblar.
Qeyd olunub ki, polis qüvvələri asayişi yaratmaq və mübahisələri həll etmək yerinə müdafiəsiz insanlara hücum edib və onlara ziyan vururlar.
