GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, NATO daxilində “Çox Yüksək Hazırlıq Səviyyəli Birgə İşçi Qüvvəsi” nin komandanlığı Polşadan Türkiyəyə təhvil verilib.
“TRT Haber” bu barədə məlumat yayaraq bildirib ki, 1 yanvar 2021-ci ildə başlayacaq missiya bir il davam edəcək.
Güc tərkibinə Albaniya, Macarıstan, İtaliya, Latviya, Çernoqoriya, Polşa, Rumıniya, Slovakiya, İspaniya, İngiltərə və ABŞ hərbi birliklərinin iştirakı ilə 6400 hərbi qulluqçu daxil olacaq.
Türkiyənin logistik və sursat planlamasında ən yüksək vahidlərdən biri olan xüsusi güc qrupu üçün NATO daxilində hərəkət etmə qabiliyyəti, əhəmiyyətli investisiyalara ehtiyac olduğu vurğulanıb.
Ən son zirehli texnika, tank əleyhinə raketlər və haubitsaların da ayrıldığı bildirilir.
Sözügedən birlik NATO müttəfiqlərini hər hansı bir təhdiddən qorumaq üçün sürətli hərəkət etməyə hazırdır.
