Pakistanın İranla ABŞ arasında razılaşma üçün canfişanlıq etməsinin səbəbi ifşa oldu

GADTB: Channel 14 Pakistanın İran məsələsində vasitəçilik fəaliyyətinin Tehranla İslamabad arasında gizli maliyyə razılaşmasının bir hissəsi olduğunu iddia edib.

Kanalın yayımladığı proqramda bildirilib ki, Pakistanın İran dosyesində vasitəçilik səylərinin arxasında Tehran və İslamabad arasında mövcud olduğu deyilən gizli maliyyə anlaşması dayanır. İddiaya görə, bu razılaşma Pakistanın ağır xarici borclarının ödənilməsinə yardım məqsədi daşıyır.

Məlumatda qeyd olunur ki, dərin iqtisadi böhran və 100 milyard dollardan artıq xarici borc yükü ilə üzləşən Pakistan məxfi anlaşma çərçivəsində İranın istədiyi bir razılaşmanın əldə olunmasına dəstək verməyi öhdəsinə götürüb.