İranın “Mashregh News” saytı xəbər verir ki, Ermənistanın baş naziri bazar ertəsi Çexiya nəşrlərindən birinə müsahibəsində ölkəsi ilə İran arasındakı yaxşı münasibətlərdən ağız dolusu danışıb.
Nikol Paşinyan “Respect” jurnalına verdiyi müsahibədə bildirib ki, Ermənistanın xarici siyasətinin əsas məqsədi bütün qonşuları ilə normal münasibətlər qurmaqdan ibarət olmalıdır.
O, Ermənistanın İran və Gürcüstanla yaxşı münasibətlərə malik olduğunu vurğulayıb. Paşinyan əlavə edib ki, ölkəsinin hazırda Türkiyə və Azərbaycanla demək olar ki, heç bir əlaqəsi yoxdur və təbii ki, bu münasibətlər belə qalmamalıdır.
Habelə bu yaxınlarda Ermənistan parlamentinin sədri Alen Simonyan yazdığı tvitdə İran və Ermənistan bayraqlarının yan-yana şəkillərini paylaşaraq yazıb: “İran bizim min illik qonşumuzdur, İran Ermənistanın dostudur. Bu dostluq davam edəcək”./ Azad İran