GADTB Güney Azərbaycan Demokratik Türk Birliyi
GADTB: Yayımlanan məlumata görə, “Qaşqayı vilayətinin yaradılması” adlı kampaniya son iki gün ərzində “Karzar” platformasında geniş istifadəçi marağı ilə qarşılanıb və açıqlanan statistikaya əsasən, kampaniyaya toplanan imzaların sayı 25 min nəfəri keçib.
Kampaniyanın izah hissəsində bildirilib ki, əsas məqsəd “Qaşqayı” adı ilə müstəqil vilayətin yaradılması imkanlarının araşdırılması və ya qaşqayı türklərinin adının bu toplumun əksəriyyət təşkil etdiyi vilayətlərdən birinə əlavə olunmasıdır. Mətndə resursların ədalətli bölüşdürülməsi, regional idarəetmə və qaşqayı türklərinin mədəni kimliyinin gücləndirilməsi əsas tələblər kimi önə çəkilir və təşkilatçılar qərarverici qurumlardan bu müraciətə diqqət yetirmələrini istəyirlər.
“Karzar” platformasının açıqlamasına görə, bu tələb platformanın daxili qaydaları çərçivəsində qeydiyyata alınıb və müəyyən edilmiş həddi keçdikdən sonra media orqanlarına və aidiyyəti qurumlara göndərilərək izlənəcək. Kampaniya təşkilatçıları vurğulayıblar ki, bu müraciəti bir arzu deyil, hüquqi və insani bir tələb kimi qiymətləndirirlər.
Kampaniyaya imza üçün keçid:
