Qeyri-fars millətlərdən ana dili hüququnun pozulmasına etiraz kapmaniyası

GADTB-nin Mətbuat Mərkəzinə daxil olan məlumata görə, qeyri-fars millətlər sosial şəbəkələrdə ana dili hüququnun pozulmasına etiraz kapmaniyasına başlayıblar.

Sosial şəbəkə istifadəçiləri Twitterdə kampaniya başladaraq İranın təkdilli sisteminin qeyri-fars xalqlara yaratdığı çətinliklərə etirazlarını bildiriblər.

“#Manofarsi” həştəgi ilə başladılan etiraz kampaniyada qeyri-fars millətlərin fəalları ana dillərində təhsil ala bilmədikləri üçün əzab çəkdiklərini qeyd ediblər.

Etiraz kampaniyasında sosial şəbəkə istifadəçiləri təhsil alarkən farsca danışmağa məcbur olmanın acı təcrübələrini, eləcə də ləhcəyə malik olduqları üçün üzləşdikləri təhqirləri bölüşüblər.

Kampaniya iştirakçıları “#Monofarsi” həştəqi ilə beynəlxalq konvensiyalarda nəzərdə tutulan dil hüquqlarının pozulmasına və İranın təhsil sistemində onlara qarşı ayrıseçkiliyə etiraz ediblər.