Qondarma erməni iddiaları sadəcə  siyasi məqsədlərə əsaslanan bir böhtandır

GADTB-nin Mətbuat Mərkəzinə daxil olan məlumata görə, Türkiyə Prezident Administrasiyasının Kommunikasiya İdarəsinin sədri Fəxrəddin Altun 1915-ci il hadisələri ilə bağlı keçirilən beynəlxalq konfransda çıxışı zamanı deyib ki, “Qondarma erməni iddiaları sadəcə  siyasi məqsədlərə əsaslanan bir böhtandır”.

Fəxnəddin Altun onlayn konfransın açılışındakı çıxışında Birinci Dünya müharibəsi illərində erməni dəstələrinin Osmanlı torpaqlarına hücum edən düşmənlə birlikdə onları arxadan vurduqlarını və mülki insanları və vətənlərini qorumaq üçün müharibə şəraitində bəzi bölgələrdə yaşayan ermənilərin deportasiya edildiyini xatırladıb.

Altun “Bu təhlükəsizlik tədbiri həyata keçirilərkən, bütün gücü ilə davam edən müharibə şəraitində təəssüf ki, arzuolunmaz hadisələr də baş verdi, həm türklərdən, həm də ermənilərdən ölənlər oldu, əziyyətlər çəkildi. Bu baş verənlər bu günə gəlib çıxan müzakirələrin, hətta böhtanların da əsası oldu” deyib.

“Hazırda əsrlər boyu birlikdə sülh içində yaşayan türk və erməni xalqlarının ortaq keçmişini təhrif edərək, tarixdən düşmənçilik yaratmağa cəhd göstərən bir hekayə ilə qarşı-qarşıyayıq. bu hekayəyə etiraz edirik” ifadələrindən istifadə edən Altun deyib ki, Keçmişi, dini, etnik mənşəyi, məzhəbindən asılı olmayaraq insanların bu torpaqlarda əsrlər boyu qardaş olaraq yaşadıqlarını çox yaxşı bilirik.

Altun 1915-ci ildə baş verənlərlə bağlı mübahisələrin 100 ildən çox bir müddət sonra davam etməsinin səbəbinin “1915-ci il hadisələrinin sırf siyasi və ideoloji bir məsələ olaraq işlənməsinə dair təkid və inad” olduğunu dilə gətirib.

Altun kiminsə hadisəni siyasi və ideoloji əsaslarla apararaq, onu imperiyal məqsədləri üçün faydalı etməyə cəhd göstərdiyini vurğulayıb.

Həmçinin yoxlayın

İran rejimi Azərbaycan neftini qarət etməyə başladı

GADTB-nin Mətbuat Mərkəzinə daxil olan məlumata görə, Güney Azərbaycanı işğal və müstəmləkə etmiş İran rejimi …

Türk Aralıq dənizində faciənin qarşısını aldı

GADTB-nin Mətbuat Mərkəzinə daxil olan məlumata görə, Türk əsgərinin diqqəti Şərqi Aralıq dənizindəki fəlakətin qarşısını …