Qrossi İranın nüvə məsələsi ilə bağlı diplomatik məsləhətləşmələri davam etdirir

GADTB:  Atom Enerjisi üzrə Beynəlxalq Agentliyin rəhbəri Rafael Qrossi İranın nüvə məsələsi ilə bağlı diplomatik məsləhətləşmələrin davamı olaraq Kaya Kallas ilə görüşüb.

Qrossi özünün “X” hesabında bu haqda yazıb: “Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas ilə İran da daxil olmaqla, nüvə silahının yayılmamasının yoxlanılmasında AEBA-nın misilsiz rolu, eləcə də Ukraynada nüvə təhlükəsizliyini təmin etmək üçün davam edən səylərimiz barədə vaxtında söhbət etdim”.

Son iki həftə ərzində Qrossi İranın nüvə məsələsini müzakirə etmək üçün Vyanada  Rusiyanın səfiri və beynəlxalq təşkilatlardakı daimi nümayəndəsi Mixail Ulyanovla iki dəfə görüşüb. /Azad İran