Qrossi: İranın vəziyyəti Agentliklə qarşılıqlı əlaqə olmadan normallaşmayacaq

GADTB: Qrossi İranın nüvə obyektlərinin vəziyyətini araşdırmaq üçün Beynəlxalq Atom Enerjisi Agentliyinin (BAEA) imkanları barədə danışarkən vurğulayıb ki, İran İslam Respublikası heç bir məlumat təqdim etməyib və ABŞ-la siyasi razılaşma əldə olunana qədər Agentliklə əməkdaşlıq etmək niyyətinin olmadığını bildirib.

O əlavə edib ki, İranla Agentlik arasında ciddi əməkdaşlıq başlasa və Tehranın təhlükəsizlik və məxfiliyə dair narahatlıqları aradan qaldırılsa, bu proses “çox müsbət nəticə” verə bilər və digər tərəfləri də İranla Agentlik arasındakı əməkdaşlıq prosesinin “qorunmalı və dəstəklənməli” olduğuna inandıra bilər.

Qrossi bildirib ki, belə bir proses sülhə töhfə verə bilər və diplomatik həll yollarına inandığını vurğulayıb. Lakin onun sözlərinə görə, belə bir həllə nail olmaq üçün İranın Agentliklə qarşılıqlı əlaqəsi zəruridir.

Qrossi ABŞ prezidenti Donald Trampın Küləng nüvə obyektlərinin bombalanmasının mümkünlüyü barədə sözlərinə də münasibət bildirərək, bu məsələ ilə bağlı fikir söyləmək niyyətində olmadığını deyib. Bununla yanaşı, diplomatik həll yoluna ehtiyac olduğunu vurğulayıb və İranın vəziyyətinin Agentliklə qarşılıqlı əlaqə olmadan normallaşmayacağını qeyd edib.

Qrossi deyib: “İranın daha böyük razılaşma əldə olunana qədər Agentliklə əməkdaşlıq etməyəcəyi məntiqi qəbulolunan deyil. Onların Nüvə Silahlarının Yayılmaması Müqaviləsi və təminat sazişləri çərçivəsində öhdəlikləri var və bu öhdəliklər aradan qalxmır.”