GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Qum futzal komandasının tərəfdaraları Azərbaycanın Süngün Mis Komandasının kapitanını etnik zəmində təhqir ediblər
Dünən axşam saatlarında Vərziqanın Mese Süngün komandası Qumda eyni adlı komanda ilə qarşılaşıb. Oyunda Süngün Mis Komandası kapitanı Fərhad Fəxim komandasının 3-cü qolunu vurduqdan sonra Qum komandasının tərəfdarları türk futbolçuya qarşı irqi və etnik təhqirlər işlətməyə başlayıblar və bu şüarlar oyunun sonuna qədər davam edib.
Təəssüf ki, şüarlar yarış zalının platformalarında Qum komandasının pərəstişkarları tərəfindən koordinasiyalı və mütəşəkkil şəkildə səslənib və müsabiqə rəsmiləri buna heç bir reaksiya verməyiblər.
Bundan əvvəl də bənzər hərəkətləri Tehranın Persepolis və İstiqlal komandalarının tərəfdarları etmişdilər. Anti-türk qruplarının bu cür davranışları İran Futbol Federasiyası rəsmilərinin və İranın mərkəzi hökumətinin susqunluğu şəraitində baş verir.
