Şənbə , Aprel 13 2024
azfa

Rejim yol qəzasında dünyasını dəyişən milli fəalın dəfn mərasimində onun qardaşını yaxaladı

GADTB-nin Mətbuat Mərkəzinə daxil olan məlumata görə, Sayınqala-Qoşaçay yolunda avtomobil qəzasında avqustun 9-da həyatını itirən azərbaycanlı milli fəal Bəhmən Xaliqinin dəfn mərasimi zamanı rejim həmin fəalın qardaşı Aydın Xaliqini həbs edib.

Onun hansı səbəbdən yaxalandığı barədə heç bir məlumat verilməyib. Aydın Xaliqinin rejimin Binab şəhərindəki Polis İdarəsinin təhlükəsizlik bölməsinin rəisi Rəhim Binabinin əmri ilə yaxalandığı bildirilir.

Eyni zamanda mərhum Xaliqinin yaxınları və ailə üzvlərinin, eləcə də müxtəlif şəhərlərdən gələn azərbaycanlı milli fəalların Binab məzarlığına daxil olmalarına icazə verilməyib.

Qeyd edək ki, Bəhmən Xaliqi son iki həftədə yol hadisəsində ölən ikinci azərbaycanlı milli fəaldır. Avqustun 1-də də Əli Məhəmmədzadə Əhər-Təbriz yolunda baş verən yol qəzasında dünyasını dəyişmişdi.

Fəalların yol qəzasında öldürülməsi artıq şübhə doğurmaqdadır.

Qeyd edək ki, Bəhmən Xaliqi keçən son 10 il ərzində göstərdiyi fəaliyyətlər səbəbilə dəfələrlə rejim tərəfindən həbs və təzyiqlərə məruz qalıb. Fəalın həmçinin Binab şəhərində işlətdiyi İşıq Kitav Evi mağazası bir neçə il əvvəl dövlət tərəfindən qapadılmışdı.

Mərhum Xaliqi bir neçə digər fəalla bərabər 2012-ci ilin dekabr ayında İran vasitəsilə qurulan Şərqi Azərbaycan vilayəti və Ermənistan Respublikası arasındakı əlaqələrə etiraz olaraq Marağa şəhərində keçirilən etiraz aksiyasına qatıldığ zaman həbs edilmişdi.

Xaliqi daha sonra həmin etiraz aksiyası ilə əlaqədar 6 ayı həbs və 6 ayı şərti həbs cəzasına məhkum edilmişdi.

Bəhmən Xaliqi 2013-cü ilin fevral ayında isə Dünya Ana Dili Günü ilə bağlı təşkil olunan mitinqlərə qatıldığı üçün də rejimin təhlükəsizlik qüvvələri tərəfindən yaxalanmışdı.

Həmçinin yoxlayın

Bəzi ölkələr vətəndaşlarını İran ərazisini tərk etməyə çağırıb

GADTB: Avstriya və Almaniya öz vətəndaşlarını İrana səfərlərdən çəkinməyə, orada olanları isə ölkəni tərk etməyə …

Ermənistan Azərbaycanın Tovuz bölgəsini atəşə tutdu

GADTB-nin Mətbuat Mərkəzinə daxil olan məlumata görə, aprelin 13-ü saat 08:30 radələrində Ermənistan silahlı qüvvələrinin …

Bir cavab yazın