Cümə axşamı , Dekabr 2 2021
azfa

Reza Deqatinin Ermənistanın Oxçuçayda törətdiyi ekoloji fəlakət barədə raportajı

GADTB-nin Mətbuat Mərkəzinə daxil olan məlumata görə, təbrizli fotoqraf Reza Deqati Ermənistanın Oxçuçayı çirkləndirməsi nəticəsində yaranan ekoloji fəlakətlə bağlı raportaj hazırlayıb.

“Ekoloji cinayət, Qarabağ, Azərbaycan” başlıqları ilə fotolar paylaşan fotoqraf çayın çirkləndirilməsi və onun fəsadları ilə bağlı məlumat verib.

O, bildirib ki, Oxçuçay Ermənistandan başlayaraq, Azərbaycan ərazisindən keçir və Xəzər dənizinə tökülməzdən əvvəl İran (Güney Azərbaycan) və Azərbaycan arasındakı təbii sərhəd olan Araz çayına birləşir.

“Ermənistan tərəfində iki böyük mədən zavodu mövcuddur: Qacaran-Zəngəzur mis-molibden və Qafan dəmir filizi emalı fabriki. İstehsal zamanı ağır metallarla çirklənmiş su Oxçuçaya tökülür. Almaniyanın “Croniment” mədən şirkəti Ermənistanın Zəngəzur mis-molibden zavodunun 60% səhmlərinə sahibdir. Onların internet səhifələrində “Metallar bizim ehtirasımızdır” deyilir. Çaydakı nikelin miqdarı normadan 7 dəfə, dəmir 4 dəfə, mis-molibden isə 2 dəfə yüksəkdir. Mart ayında çaydakı forel və digər balıqların kütləvi məhv olmaları müşahidə olundu. Belə görünür ki, çay erməni istehsalçıları tərəfindən sənaye tullantılarının ölkə ərazisindən Azərbaycana göndərilməsi məqsədilə kollektor kimi istifadə olunur. Ermənistan hələ də Beynəlxalq Su Konvensiyasına qoşulmayıb və beynəlxalq öhdəliklər götürməyib. Xəzər dənizinə tökülməzdən əvvəl həm Azərbaycanı, həm də İranı çirkləndirən səssiz bir ekoloji fəlakət müşahidə olunur”.

Həmçinin yoxlayın

Türkiyə sanksiyaya görə idxal edə bilmədiyi dəniz tolarını özü istehsal etdi

GADTB-nin Mətbuat Mərkəzinə daxil olan məlumata görə, Türkiyədə mühəndislərin son bir ildir üzərində çalışdığı milli …

Güney Azərbaycan şəhərlərində müəllimlər etiraz aksiyası keçirdilər

GADTB-nin Mətbuat Mərkəzinə daxil olan məlumata görə, bu gün Güney Azərbaycanın müxtəlif şəhərlərində, o cümlədən …