Bazar , Sentyabr 25 2022
azfa

Sabah Bakıda keçiriləcək hərbi paradda 240-dan çox texnika, 70-dən artıq uçuş vasitəsi iştirak edəcək

GADTB-nin Mətbuat Mərkəzinin əldə etdiyi məlumata görə, iyunun 26-da Azərbaycan Silahlı Qüvvələrinin 100 illik yubileyi ilə əlaqədar “Azadlıq” meydanında hərbi parad keçiriləcək.

Azərbaycan Müdafiə Nazirliyinin mətbuat xidmətindən APA-ya verilən məlumata görə, hərbi paradda Azərbaycanın Müdafiə, Daxili İşlər, Fövqəladə Hallar Nazirliklərinin, Dövlət Təhlükəsizliyi, Dövlət Sərhəd və Xüsusi Dövlət Mühafizə Xidmətlərinin, eləcə də Türkiyə Respublikası Silahlı Qüvvələrinin parad heyətindən ibarət 4000 nəfərədək şəxsi heyəti iştirak edəcək.

Təntənəli mərasimdə 240-dan çox hərbi texnika, 70-dən artıq uçuş vasitəsi, o cümlədən silahlanmaya yeni qəbul edilmiş ən müasir zirehli texnikalar, raket və artilleriya qurğuları, hava hücumundan müdafiə sistemləri, helikopterlər, pilotsuz uçuş aparatları kimi müxtəlif növ ən yeni silah və texnikalar, eləcə də hərbi gəmi və katerlər nümayiş olunacaq.

Paradda həmçinin Türkiyə Respublikası, Pakistan İslam Respublikası, Belarus Respublikası, Bəhreyn Krallığı, Birləşmiş Ərəb Əmirlikləri, Gürcüstan, İran İslam Respublikası, İsrail, Qazaxıstan Respublikası, Özbəkistan Respublikası, Rusiya Federasiyası, Səudiyyə Ərəbistanı Krallığı və Ukraynadan olan 100-dək nümayəndə iştirak edəcək.‍

 

Həmçinin yoxlayın

Azərbaycanlı fəal Mehdi Həmidi Şəfiq Sepah-ın təcridxanasına köçürülüb

GADTB-nin Mətbuat Mərkəzinə daxil olan məlumata görə, irqçi fars rejim yaxaladığı azərbaycanlı milli-mədəni fəal Mehdi …

Türkiyənin ilk yerli qırıcısının istehsal tarixi açıqlandı

GADTB-nin Mətbuat Mərkəzinə daxil olan məlumata görə, Türkiyənin istehsal etdiyi milli döyüş təyyarəsinin (MMU) ilk …

Bir cavab yazın