GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Avstraliya-Azərbaycan Assosiasiyası prezidenti və Güney Azərbaycan Demokratik Türk Birliyinin (GADTB) Beynəlxalq Əlaqələr Departamentinin sədri sayın Mikayil bəy Oyta bir çox dövlət rəsimisi və Azərbaycanla Türkiyənin Avstraliyada nümayəndəlikləri ilə birgə Avstraliya İslam Birliyi Federasiyasının rəsmi dəvəti ilə Avstraliya İslam Birliyi Federasiyasının keçirdiyi tədbirə qatılıb.
2022-ci il oktyabrın 1-də keçirilən tədbirdə avstraliyalı siyasətçi və keçmiş Mühacirət naziri Filip Roduk, Yeni Güney Uelz (NSW) əyalətinin Multikultur naziri Mark Küre, Yeni Güney Uelzdən millət vəkili Lynda Voltz, eləcə də başqa nazir və millət vəkilləri qatılmışlar.
Tədbirə həmçinin Türkiyənin Sidneydəki baş konsulu sayın Ali Sevim, Azərbaycan Avstraliyadakı təmsilçisi hörmətli Ramil Qurbanov, Rusiyanın Avstraliyadakı səfiri Aleksey Pavlovsky və digər siyasətçilər və nümayəndəliklər qatılıb.
