SEPAH-ın Urmiyada siyasi məhbusları saxladığı gizli mərkəzlər üzə çıxdı

GADTB: Güney Azərbaycanın Urmiya şəhərində SEPAH-a bağlı dörd gizli və yüksək təhlükəsizlikli saxlama mərkəzi ifşa olunub. Bununla bağlı, “Edama Yox” Kampaniyasının “Telegram” kanalı məlumat yayıb.

Bildirilib ki, Urmiya şəhərindəki iki hərbi kazarma daxilində fəaliyyət göstərən bu mərkəzlər hüquqi nəzarət və məhkəmə şəffaflığı olmadan fəaliyyət göstərir. Onların arasında:

• Əl-Mehdi kazarması: “81 Ramazan” və “9 Dey” mərkəzləri

• Məlik Əştər kazarması: “7 Tir” və “Xeybər” mərkəzləri

Bu mərkəzlər əsasən vətəndaşlar və siyasi məhbusların saxlandığı yerlər kimi fəaliyyət göstərir. Həmin mərkəzlərdə tutulan şəxslərin basqı və işgəncə altında dindirildiyi vurğulanıb.