Şənbə , Noyabr 27 2021
azfa

Sepaha bağlı qəzeti İranın koronavirusdan ölənlərin sayını yeddi dəfə az elan etdiyinə etiraf etdi

GADTB-nin Mətbuat Mərkəzinə daxil olan məlumata görə, İranın Sepah terror təşkilatına bağlı olan  “Cavan” qəzeti yaydığı məlumatda İranın Covid-19 virusundan ölənlərin sayının rəsmi rəqəmlərdən 7 dəfə az elan etdiyinə etiraf etdi.

Qəzet Tehran Universitetinin Tibb Elmləri Universitetinin epidemoloqu professor Kuruş Helelkuyi Nainiyə istinadən qeyd edib ki, rəsmi rəqəmlərdə virus qurbanlarının sayı 100 min nəfərdən bir qədər çox elan edilir, halbuki bu rəqəm təxminən 700 min nəfərdir.

Xəbərdə bildirilir ki, 6-cı dalğanın başlanması isə həm ölkə, həm də siyasi sistem üçün təhlükəli olacaq.

Kuruş Naini bildirib ki, İrəc Hərirçinin dediklərinə əsaslanaraq koronavirusdan ölənlərin sayını 2.5- 3 dəfə artıq təxmin etmək olar, amma mən sizə deyirəm ki, bu rəqəm rəsmi statistikadan (amar) 7 dəfə çoxdur. O, bu rəqəmi bölgələr üzrə apardığı araşdırma nəticəsində əldə etdiyini deyib.

Qəzet İran hökumətinin koronavirusdan vəfat edənlərin sayı barədə saxta məlumatlar təqdim etməsi ilə bağlı Tehran üzrə Koronavirusla Mübarizə Qərargahının rəisi Əlirza Zalinin bir müddət öncə səsləndirdiyi fikirləri xatırladıb. Zali bildirmişdi ki, İran koronavirusdan ölənlərlə bağlı Ümumdünya Səhiyyə Təşkilatına yalan məlumatlar verib.

Qeyd edək ki, dünənə olan rəsmi rəqəmlərə əsasən, son 709 nəfərin ölmümü ilə İranda koronavirusdan həyatını itirənlərin ümumi sayı 103.357 min nəfərə çatıb.

Həmçinin yoxlayın

Soçi görüşünün nəticələri ilə bağlı bəyanat yayılıb

GADTB-nin Mətbuat Mərkəzinə daxil olan məlumata görə, noyabrın 26-da Soçidə Azərbaycan Respublikasının Prezidenti İlham Əliyev, …

İran qüvvələri İsfahanda etirazlara atəş açdı-Video

GADTB-nin Mətbuat Mərkəzinə daxil olan məlumata görə, bir neçə gündür davam edən etirazlar İsfahan Xürrəmabadda …