GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün səhər saatlarında erməni terrorçu Norayr Mirzoyan (Ordumuzun Şuşa yaxınlığında məhv etdiyi Martik Eremyannın qardaşı) Şuşa yaxınlığında Azərbaycan və rus hərbçilərinin olduğu posta qumara atması ilə bağlı erməni separatçıları həyasız və əxlaqsız açıqlama yayıb.
Rus sülhməramlılarının arxasında gizlənməklə fəaliyyət göstərməyə davam edən və özlərini “milli təhlükəsizlik xidməti” adlandıran separatçı-terrorçular “Martik Eremyan”ın bu addımının “Azərbaycan hərbçisinin provokativ hərəkətinə cavab olduğunu” bildirib.
Bu faktın özü Xankəndidə toplaşan ermənilərin terrorçu mahiyyətinin birbaşa sübutudur. Belə ki, videodan da göründüyü kimi, erməni terrorçuya qarşı hər hansı hərəkət edilmir, o sadəcə, posta yaxınlaşır və qumbara ataraq qaçır.
Qeyd edək ki, Norayr Mirzoyan artıq rus sülhməramlıları tərəfindən yaxalanıb, Azərbaycan Baş Prokurorluğu isə olayla bağlı cinayət işi açıb.
Yaxın saatlarda Şuşa yaxınlığındakı posta qumbara atan şəxs Xankəndidəki separatçılara “təhvil” veriləcək.
Bu barədə Qarabağdakı separatçı-terrorçuların “ombudsmanı” Geqam Stepanyan məlumat yayıb.
Stepanyan bildirib ki, hazırda terrorçu Norayr Mirzoyan rus sülhməramlılarının qərargahındadır.
