GADTB Güney Azərbaycan Demokratik Türk Birliyi
GADTB: Daha əvvəl saxlanıldıqdan sonra azadlığa buraxılmış Təbriz İncəsənət Universitetinin qrafika ixtisası üzrə tələbəsi Səhənd Tahiri yenidən molla rejimin qüvvələri tərəfindən saxlanılıb.
İndiyədək onun saxlanılmasının vaxtı, yeri və hansı qurum tərəfindən aparıldığı barədə rəsmi məlumat yayılmayıb. Saxlanmadan bir neçə gün keçməsinə baxmayaraq, ailəsi və yaxınları hələ də onun harada saxlanıldığı, hüquqi durumu və səhhəti barədə məlumat ala bilmədiklərini bildirirlər. Tələbənin sağlamlıq vəziyyəti ilə bağlı narahatlıqlar qalmaqdadır.
Bu hadisə universitet tələbələri və akademik fəallara qarşı artan təhlükəsizlik təzyiqlərinin davamı kimi qiymətləndirilir və saxlanılan tələbələrin taleyi ilə bağlı narahatlıqları daha da artırır.
