GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Təbriz şəhərində 1 Xordad qiyamı ilə bağlı geniş şəkildə posterlər yayıldı.
Azərbaycanlı fəallar mayın 16-dan 17-ə keçə gecə Təbrizin bir neçə məhəlləsində yazılı vərəqələr və bəyanat yayıblar.
Azərbaycanlı milli fəallar yaydıqları çağırışlarda əhalini 22 may (1 xordad) qiyamının ildönümündə iştirak etməyə çağırıblar.
Bəyanatda molla rejiminin rejiminin azərbaycanlılara qarşı bütün sahələrdə ayrı-seçkilik etdiyi, Güney Azərbaycanı müstəmləkə vəziyyətinə saldığı, qadınlara qarşı ikiqat zülmə məruz etdiyi və s. vurğulanıb.
Bəyanatı hazırlayana azərbaycanlı fəallar qadınları, müəllimləri, öyrənci və ümumiyyətlə bütün təbəqələrdən olan insanları 22 may qiyamının 17-ci ildönümü ilə bağlı keçiriləcək aksiyalarda fəal iştirak etməyə dəvət ediblər.
