Təbrizdə “Malı çox, günü qara” tamaşası nümayiş olunub

GADTB-nin Mətbuat Mərkəzinə daxil olan məlumata görə, Təbrizin “22 Bəhmən” kinokompleksinin Siyami zalında rejissor Yaqub Sədiq Camalın hazırladığı, Azərbaycan türkcəsində “Malı çox, günü qara” tamaşası nümayiş olunub.

Rejissor Yaqub Sədiq Camal çıxışı zamanı Təbrizdə sənət adamlarının ağır durumundan gileylənərək deyib:

“Son nəfəsimizi çəkirik. Sənətimizi ağır durumdan qurtarmaq üçün kimin əlindən bir iş gəlirsə, addım atsın. Bunu özümə görə demirəm, böyük sənət adamlarının ağır vəziyyətini nəzərə alaraq, yardıma çağırıram. Sənət adamları ya köçüblər, ya da köçmək ərəfəsindədirlər”.

Qeyd edək ki, “Malı çox, günü qara” tamaşası Azərbaycan folklor nümunələri əsasında hazırlanıb.