GADTB-nin Mətbuat Mərkəzinə daxil olan məlumata görə, Təbriz etirazları zamanı yaxalanan azərbayacanlı fəallar Məhəmməd Kazimi və Rza Şəhrivər avqustun 10-da telefon vasitəsilə ailələrinə Təbrizdə zindana köçürüldükləri barədə məlumat veriblər.
Təbrizdə 24 iyul etirazlarından sonra, iyulun 27-də yaxalanan Məhəmməd Kazimi və Rza Şəhrivər Rejimin ETTELAAT İdarəsinin təcridxanasından Təbrizin mərkəzi həbsxanasının karantin bölməsinə köçürülüblər.
Fəallara qarşı ittiham barədə də hələlik məlumat verilmir. Lakin hər iki fəalın əl-Əhvaz etirazlarına dəstək və Güney Azərbaycan bölgələrində olan problemlərə rejimin laqeydliyinə etiraz olaraq iyulun 24-də keçirilən etirazla bağlı yaxalandıqları güman edilir.
Qeyd edək ki, iyulun 24-də Güney Azərbaycanın bir sıra şəhərlərində, özəlliklə Təbrizdə etiraz aksiyası keçirilmişdi. Həmin etirazlarda çox sayda azərbaycanlı fəal yaxalanmışdı.