GADTB Güney Azərbaycan Demokratik Türk Birliyi
GADTB: Azərbaycanlı türk fəallar Fərzanə Daniyar, Fatimə Dadaşzadə və Aşqin İmami 1404-cü ilin 6 bəhmən tarixində molla rejimi tərəfindən Təbriz şəhərinin 8-ci məhkəmə şöbəsinə çağırılıblar.
Çağırış vərəqəsində qeyd olunub ki, adıçəkilən şəxslər beş gün müddətində sözügedən şöbəyə müraciət etməlidirlər. Müəyyən edilmiş müddətdə məhkəməyə getmədikləri təqdirdə barələrində həbs qətimkan tədbiri çıxarılacağı bildirilib. İndiyədək onlara irəli sürülən ittihamlar, işin mahiyyəti və məhkəmə baxışının dəqiq vaxtı ilə bağlı rəsmi açıqlama verilməyib.
Qeyd edək ki, bu fəallar daha əvvəl də milli, mədəni və vətəndaş fəaliyyəti səbəbilə təhlükəsizlik və məhkəmə orqanlarının təzyiqləri ilə üzləşiblər.
