Təbrizdə azərbaycanlı siyasi fəal Həbib Mehri 6 ay həbs cəzasına məhkum edilib

GADTB: Azərbaycanlı siyasi fəal və Təbriz sakini Həbib Mehri Təbriz İnqilab Məhkəməsinin birinci şöbəsi tərəfindən “rejim əleyhinə təbliğat aparmaq” ittihamı ilə 6 ay həbs cəzasına məhkum olunub.

Məlumata əsasən, Həbib Mehri 1404-cü ilin aban ayında təhlükəsizlik qüvvələrinin Təbrizdə yerləşən evinə basqın etməsindən sonra saxlanılmışdı. Təhlükəsizlik əməkdaşları evdə axtarış apararkən onun mobil telefonunu müsadirə etmiş, o isə bir müddət müvəqqəti həbsdə saxlanıldıqdan sonra girov müqabilində məhkəmə prosesi başa çatanadək azadlığa buraxılmışdı.

Əvvəlki məlumatlarda bildirilib ki, Həbib Mehri vətəndaş fəaliyyəti, o cümlədən Urmiya gölünün vəziyyəti ilə bağlı məlumatlandırma işi və Azərbaycan Traxtur komandasının oyunları ilə əlaqədar fəaliyyətlərinə görə bundan əvvəl də bir neçə dəfə saxlanılmış və məhkəmə qərarları ilə üzləşmişdi.