GADTB-nin Mətbuat Mərkəzinə daxil olan məlumata görə, bü gün Güney Azərbaycanın Təbriz şəhərində minlərlə təqaüdçülər möhtəşəm etiraz aksiyasında İran rejiminə qarşı şüarlar səsləndirdilər. Sosial Təminat İdarəsinin təqaüdçüləri kütləvi etiraz aksiyasına və küçə yürüşünə başlayıblar.
Minlərlə narazı təqaüdçünün qatıldığı etiraz yürüşündə “Rəisiyə ölüm” və s. bir sıra antihökumət şüarları səsləndirilib.
Qeyd edək ki, daha əvvəl Təbriz də daxil olmaqla, Güney Azərbaycanın bir sıra şəhərlərində Sosial Təminat İdarələrinin təqaüdçüləri etiraz aksiyaları təşkil ediblər.
Narazı vətəndaşlar təqaüdlərinin azlığından və verilən maaşla dolana bilməmələrindən şikayətçidirlər.