Təbrizli rəssam dünyasını dəyişib

GADTB-nin Mətbuat Mərkəzinə daxil olan məlumata görə, tanınmış təbrizli rəssam Mürtəza Şərifi uzun sürən xəstəlikdən sonra avqustun 9-da həyatını itirib.

1939-cu ildə Təbriz şəhərində anadan olan Mürtəza Şərifi 30 ildən çox rəsm müəllimi kimi fəaliyyət göstərib. O, Şərqi Azərbaycan əyalətinin təsviri incəsənət dərnəyinin təsis şurasının, bir çox təsviri incəsənət festivallarının münsiflər heyətinin üzvü olub.

Təbrizli rəssam 1980-1990-cı illərdə Şərqi Azərbaycan incəsənət sahəsinin təsviri sənət bölməsinə rəhbərlik edib.