Şənbə , Yanvar 23 2021
azfa

Tövhid Əmirəminiyə qarşı ədalətsiz uzun müddətli həbs 2 il 6 ay azaldıb

GADTB-nin Mətbuat Mərkəzinə daxil olan məlumata görə, Tehranın Evin zindanında həbsdə olan azərbaycanlı milli-mədəni fəal Tövhid Əmirəmininin heç bir günahı olmadan məhkum edildiyi 7 il 6 ay həbsə müddəti 5 ilə endirilib.

Rejimin məhkəmə rəsmilərinin sözlərinə görə, bu qərar “həbs müddətinin azaldılması qanunu” çərçivəsində qəbul edilib.

Hazırda azərbaycanlı fəal təxminən həbs müddətinin 21 ayını zindanda keçirib. Koronavirusa görə məhkumların məzuniyyətə buraxılmasına rəğmən, Tövhid Əmirəminiyə bu hüquqdan istifadə etməyə icazə verilməyib.

Qeyd edək ki, Tövhid Əmirəmini və Kiyanuş Aslani 2019-cu il fevralın 20-də Tehranda poster payladıqları üçün saxlanılıb. Fəal uzun müddət təkadamlıq kamerada işgəncə edilib.

Fəallar Tehran İnqilab Məhkəməsinin 26-cı şöbəsində  “milli təhlükəsizliyi pozmaq məqsədi ilə toplaşma və sözləşmə” və “sistemin əleyhinə təbliğat aparmaq” ittihamları üzrə mühakimə olunub.

Tövhid Əmirəmini birinci ittihama görə 7.5 il, ikinci ittihama görə 18 ay həbs cəzasına məhkum edilib. İkinci ittihamdan bəraət qazanan Kiyanuş Aslani isə birinci ittihama görə 5 il azadlıqdan məhrum edilib.

Həmçinin yoxlayın

GADTB başqanı sayın Əjdər Tağızadənin AN.T kanalında “20 Yanvar faicəsi-Xalqın azadlıq mücadiləsi” mövzusunda çıxışı-Video

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın …

Ermənistanın Azərbaycana qaytaracağı Kərki və Qazaxın 7 kəndi barədə yeni xəbər

GADTB-nin Mətbuat Mərkəzinə daxil olan məlumata görə, Naxçıvanın Ermənistan işğalında qalan Kərki kəndində yaşayan ermənilər …

Bir cavab yazın