GADTB Güney Azərbaycan Demokratik Türk Birliyi
GADTB: ABŞ prezidenti Donald Trump telefonla verdiyi müsahibədə bildirib ki, etirazçılara atəş açan şəxslər artıq müəyyən edilib və onlar saxlanıldıqdan sonra ciddi cəza ilə üzləşəcəklər.
Tramp qeyd edib ki, küçələrdə insanlara atəş açan şəxslər “xuliqanlardır” və tutulduqdan sonra məhkəmə qarşısına çıxarılacaqlar. Onun sözlərinə görə, bu şəxslərlə bağlı görüntülər mövcuddur və onların kim olduqları dəqiq məlumdur.
ABŞ prezidenti əlavə edib:
“Etirazçılara atəş açan şəxslərin çoxlu görüntüləri bizim ixtiyarımızdadır. Bunlar sadəcə küçədə dayanan və heç bir hərəkət etməyən insanlardır. Onlar yalnız küçədə olduqları üçün güllə ilə hədəfə alınırlar.”
Tramp vurğulayıb ki, bu hadisələr başa çatdıqdan sonra həmin şəxslər ciddi hüquqi məsuliyyətlə üzləşəcək və etdikləri əməllərə görə cavab verməli olacaqlar.
