Türk Dövlətləri Təşkilatı İranın Naxçıvana hücumunu pislədi

GADTB: Türk Dövlətləri Təşkilatının (TDT) Baş katibi Kubanıçbek Ömürəliyev İranın Naxçıvan Muxtar Respublikasına həyata keçirdiyi dron hücumu ilə bağlı bəyanat yayıb.

Bəyanatda İranın mülki infrastruktura hücumlarının şiddətli şəkildə qınanıldığı bildirilib.

Baş katib bu cür hərəkətlərin təkrarlanmamasının önəmini vurğulayaraq regionda gərginliyin daha da yüksəldilməməsi üçün çağırış edib.

K.Ömürəliyev Azərbaycan hökuməti və xalqı ilə həmrəy olduğunu bir daha vurğulayıb.