Türk Dövlətləri Təşkilatı ölkələri arasında əməkdaşlığın gücləndirilməsinə dair fikir mübadiləsi aparılıb

GADTB: Türk Dövlətləri Təşkilatına üzv ölkələr arasında əməkdaşlığın gücləndirilməsi müzakirə olunub.

Bu barədə Türk Dövlətləri Təşkilatının Baş katibi Kubanıçbek Ömüralıyev özünün “X” hesabında məlumat verib.

 “Türk dövlətlərinin hökumət başçıları və vitse-prezidentləri ilə birlikdə Qırğızıstan Respublikasının prezidenti Sadır Japarov tərəfindən qarşılanmaqdan şərəf duyduq. TDT daxilində əməkdaşlığın gücləndirilməsi barədə fikir mübadiləsi apardıq və birlik, həmrəylik, türk dünyasının ortaq vizionuna olan sədaqətimizi bir daha vurğuladıq”,- Baş katib qeyd edib.