GADTB Güney Azərbaycan Demokratik Türk Birliyi
Türk İnvestisiya Fondunun (TİF) prezidenti Bağdat Amreyev Bakida keçirilən “Türk İnvestisiya Fondu və Türk Ticarət və Sənaye Palataları Birliyi(TCCI): Biznes Liderləri üçün Məlumatlandırma Görüşü və B2B” tədbirində deyib ki, Türk dünyası strateji iqtisadi dəhlizə çevrilir.
B. Amreyev bildirib ki, Türk Dövlətləri Təşkilatının yaradılmasından 15 il sonra türk dünyası daha da birləşib, ölkələr arasında əlaqələr möhkəmlənib, biznes icmaları isə daha sıx əməkdaşlıq etməyə başlayıb:
“Bütün siyasi, hökumətlərarası və institusional səylər vahid məqsədə – türk dünyasının inteqrasiyasına yönəlib. Bu inteqrasiya yalnız iqtisadi deyil, eyni zamanda mədəni, tarixi və siyasi əməkdaşlığa əsaslanır. Biznes icması bu prosesdə mühüm rol oynayır. Hökumətlər qərarlar qəbul edir, təşkilatlar bu prosesi asanlaşdırır, institutlar bu məqsədə çatmaq üçün çalışır, lakin bütün bu səyləri reallığa çevirən məhz biznes icmasıdır. Türk dünyasını birləşdirmək üçün 15 illik kollektiv işimiz nəticəsində iqtisadiyyatlarımız artıq qlobal bazarların kənarında deyil. Anadolu ilə Mərkəzi Asiya arasında uzanan türk dünyası Şərqlə Qərbi birləşdirən strateji iqtisadi dəhlizə çevrilir. Yeni geosiyasi reallıq olaraq, türk dünyası qlobal siyasətdə getdikcə daha vacib rol oynayır. Biz taleyimizi formalaşdıracaq uzun bir yolun başlanğıcındayıq.”
