GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Silahlı Qüvvələrinin İraqın Şimalında həyata keçirdiyi əməliyyat zamanı içərisində xeyli silah-sursat olan mağara aşkarlanıb.
Bu barədə Türkiyənin Müdafiə Nazirliyi rəsmi twıtter səhifəsindən məlumat yayıb.
Bildirilib ki, Silahlı Qüvvələrin “Pəncə İldırım” və “Pəncə Şimşək” hərəkatları çərçivəsində terrorçulara qarşı mübarizə fəaliyyəti davam etdirir.
Bu əməliyyatlar zamanı terrorçulara məxsus daha bir mağara aşkarlanaraq, yararsız hala gətirilib.
Hərəkatlar nəticəsində indiyədək 70-dən çox terrorçunun zərərsizləşdirildiyi bildirilir.
