GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Fransaya antitürk hərəkətləri ilə bağlı sərt xəbərdarlıq etdi.
Türkiyə Xarici İşlər Nazirliyi bununla bağlı bəyanat yayıb. Bəyanatda deyilir ki, Aralıq dənizində və ya başqa bir coğrafiyada hər hansı bir ölkənin dəniz yurisdiksiyasını təyin etmək Makron üçün həddini aşmaqdır.
“Fransa təktərəfli və təxribatçı addımlar atan Yunanıstan və Cənubi Kiprin kor-korənə vəkilliyini etməkdənsə, dialoq tərəfdarı olmalıdır. Bu, eyni zamanda NATO tələbi sayılır. Fransa Prezidenti millətçi mövqeyi ilə gərginliyi təşviq edir və AB-nin maraqlarını riskə atır. Aralıq dənizinin şərq hissəsi ilə sərhədi olmayan, bölgədə hələ də müstəmləkə zehniyyəti ilə hərəkət edən Fransanın Türkiyənin bölgədəki əməkdaşlığını, xarici siyasətini tənqid etməsi yolverilməzdir”.
Qeyd edək ki, Makron açıqlamasında AB-nin Türkiyə Prezidenti Rəcəb Tayyib Ərdoğana qarşı daha iddialı olmasını bildirib. O vuğulayıb ki, Avropada Türkiyəyə qarşı cəbhə yaratmağa çalışır.
