Şənbə , Noyabr 27 2021
azfa

Türkiyə terror təşkilatı PKK-ya qarşı “Eren Qış-6” əməliyyatına başladı

GADTB-nin Mətbuat Mərkəzinə daxil olan məlumata görə, Türkiyənin Tunceli şəhərində bölücü terror təşkilatı PKK-ya qarşı “Eren Qış-6” əməliyyatı başlayıb.

Türkiyə Daxili İşlər Nazirliyinin mövzuyla bağlı bəyanatında terror təşkilatı PKK-nı ölkə gündəmindən çıxarmaq və bölgədə sığındıqları hesab edilən terrorçuları zərərsizləşdirmək məqsədilə Tuncelidə “Eren Qış-6 əməliyyatı”na start verildiyi qeyd edilib.

Bəyanatda ölkədə terrorun tamamilə aradan qaldırılması üçün həyata keçirilən “Eren” qış əməliyyatlarının vətəndaşların dəstəyi ilə “inanclı” və “qərarlı” şəkildə uğurla davam etdiyi vurğulanıb.

Türkiyə Daxili işlər naziri Süleyman Soylu “Millətimizin yaşadığımız yerlərdə sülh və əmin-amanlıq içində həyatını davam etdirməsi üçün gecə-gündüz mübarizə aparan, dağlarda və çöllərdə terrorçuları qovalayan qiymətli təhlükəsizlik qüvvələrimiz və jandarmımız bu gün səhərdən “Eren Kış-6″ əməliyyatına 1060 personal ilə start vermişdir. Əməliyyat Tuncelidə Mərcan dağları bölgəsində keçiriləcək” deyib.

Həmçinin yoxlayın

Daha təhlükəli koronavirusla bağlı Türkiyə də 5 ölkə vətəndaşlarına ölkəyə girişi dayandırdı

GADTB-nin Mətbuat Mərkəzinə daxil olan məlumata görə, daha təhlükəli koronavirusla bağlı Afrikanın 5 ölkəsindən Türkiyəyə …

Soçi görüşünün nəticələri ilə bağlı bəyanat yayılıb

GADTB-nin Mətbuat Mərkəzinə daxil olan məlumata görə, noyabrın 26-da Soçidə Azərbaycan Respublikasının Prezidenti İlham Əliyev, …