Çərşənbə axşamı , May 24 2022
azfa

Türkiyənin əməliyyata hazırlaşdığı vaxtda Rusiya Menbiçin qərbinə daxil oldu

GADTB-nin Mətbuat Mərkəzinin əldə etdiyi məlumata görə, Türkiyənin əməliyyata hazırlaşdığı vaxtda Rusiya hərbçiləri Türkiyənin xüsusi həssaslıq göstərdiyi Menbiç şəhərinin qərbində patrul xidmətlərinə başlayıb.

Bu barədə Türkiyənin “Hürriyət” qəzeti məlumat yayıb.

Fərat qalxanı bölgəsi ilə sərhəddə aparılan patrul xidmətinə Əsəd qüvvələrinin də qoşulduğu bildirilir.

Rusların patrul xidməti apardığı ərazilər arasında strateji baxımdan önəmli olan M4 magistralı da var. Bu yol Əl Babdan keçməklə Hələbə qədər gedir.

Digər tərəfdən isə Türkiyə Suriyada gələcəkdə baş tutacaq əməliyyatlar üçün tamamilə hazırdır. Bu sözləri rusiyalı hərbi ekspert Vladimir Yevseyev deyib.

O bildirib ki, Ankara bu əməliyyatlarda qarşıya çıxacaq çətinlikləri və itkiləri nəzərə almalıdır:

“Əməliyyat sadəcə səhralıqda deyil, şəhərlərdə də aparılacaq. Məsələn, türk ordusu Kobanidə güclü müqavimətlə qarşılaşacaq. Türkiyə Afrində 8-12 min arası əsgərlə mübarizə apardı. Hələbdə buferzona yaradılmasında isə 5-6 min əsgər iştirak etdi. Türkiyə heç bir yerdə 15 mindən çox əsgərdən istifadə etmədi. Bu səbəbdən sərhəddəki mümkün əməliyyatlarda 80 min əsgərdən istifadə ediləcəyi yönündə yayılan məlumatlar həqiqətə uyğun deyil”.

 

Həmçinin yoxlayın

Azərbaycanın Şamaxı şəhəri türk dövlətlərinin turizm paytaxtı seçildi

GADTB-nin Mətbuat Mərkəzinə daxil olan məlumata görə, Azərbaycanın Şamaxı şəhəri 2023-cü il üçün türk dövlətlərinin …

Çinin uyğur türklərinə qarşı soyqırımı sənədləşdirilib

GADTB-nin Mətbuat Mərkəzinə daxil olan məlumata görə, Böyük Britaniyanın Xarici İşlər Naziri Liz Truss bildirib …

Bir cavab yazın