Cümə axşamı , Aprel 15 2021
azfa

Türkiyəyə qarşı minlərlə terrorçu hazırlanır

GADTB-nin Mətbuat Mərkəzinə daxil olan məlumata görə, İraq Türkmən Cəbhəsi İdarə Heyətinin üzvü Hicran Kazancı PKK tərəfindən Türkiyəyə qarşı məkrli planın hazırlandığını bildirib.

H.Kazancının dediklərinə görə, Sincarda olan 2500 PKK terrorçusuna təlim keçiriləcək və təlim dərsləri əsnasında pilotsuz uçuş aparatları sistemindəki məlumatlar da onlara öyrədiləcək.

“Əvvəlcə Sincardakı 2500 PKK terrorçusuna bir sıra təlimlər keçiriləcək, sonra isə müasir mərmilər və PUA sistemləri ilə texnologiya müharibəsi bilgisi alacaqlar. ABŞ-ın 2015-ci ildən bəri təkbaşına həyata keçirdiyi yeni dizayn işi hərbi olaraq NATO-ya ötürülür. İraq və Suriya üçün isə yeni bir dövr başlayır”, – Kazancı qeyd edib.

Digər tərəfdən, NATO Baş katibi Yens Stoltenberq İraqdakı əsgər sayını artıraraq 500-dən 4 minə çatdıracaqlarını açıqlayıb. Stoltenberqin verdiyi açıqlamada İraq ordusu ilə birlikdə “məhəlli və ya lokal” qüvvələrin hazırlanmasına və təchiz edilməsinə işarə edilib. H.Kazancı NATO-nun heyət artırma qərarının yaxın gələcəkdə başlayacaq yeni proqram olduğunu bildirib.

Həmçinin yoxlayın

Güney Azərbaycanın Traxtur komandası Özbəkistanın Paxtakor komandası ilə yarışıb

GADTB-nin Mətbuat Mərkəzinə daxil olan məlumata görə, Asiya Çempionlar Liqasının qrup mərhələsində Güney Azərbaycanın Traxtur …

Rejimin məmurlarının təzyiqinə məruz qalan Yusif Karini zindanda özbölməsinə qaytarıldı

GADTB-nin Mətbuat Mərkəzinə daxil olan məlumata görə, aprılin 14-də axşam saatlarında azərbaycanlı siyasi məhbus Yusif …