Türkiyə İraqın şimalında terrorçulara qarşı genişmiqyaslı əməliyyat keçirdi

GADTB-nin Mətbuat Mərkəzinin əldə etdiyi məlumata görə, Türkiyə Hərbi Hava Qüvvələri İraqın şimalında PKK terror təşkilatına qarşı genişmiqyaslı əməliyyat keçirib.

Əməliyyat nəticəsində azı 6 terrorçu zərərsizləşdirilib.

Bundan başqa, terror təşkilatının dayaq nöqtələri məhv edilib.

Əməliyyat İraqın Zap, Sinat-Haftanin və Hakurk rayonlarında keçirilib.

Qeyd edək ki, son günlərdə Türkiyə Hərbi Hava Qüvvələri İraqın şimalında müntəzəm əməliyyatlar keçirir.