GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, martın 28-29-da Türkiyənin Bursa şəhərində Türk Dövlətləri Təşkilatının II Diaspor Forumu keçirilib.
Türk Dövlətləri Təşkilatına üzvü olan ölkələrin diasporlarının mövcud vəziyyəti və gələcək perspektivləri” mövzusuna həsr olunmuş panel iclasında YTB sədri Abdullah Eren, Azərbaycan Respublikası Diasporla İş üzrə Dövlət Komitəsinin sədri Fuad Muradov, Qazaxıstanın “Vətəndaşlar” Fondunun vitse-prezidenti Magauiya Sarbassov, Qırğızıstan Xarici İşlər Nazirliyinin Məcburi Miqrasiya üzrə Departamentinin direktoru Taştanbek Kayimazarov, Özbəkistan Nazirlər Kabineti nəzdində Millətlərarası Əlaqələr və Xarici Ölkələrlə Dostluq Komitəsinin sədri Rustambek Kurbanov çıxış ediblər.
Türk Dövlətləri Təşkilatının II Diaspor Forumu qarşıya hansı hədəflər qoyub?
Bu barədə Türkiyə-Azərbaycan parlamentlərarası dostluq qrupunun sədri Şamil Ayrım məlumat verib.
Onun sözlərinə görə, əsas məqsəd bir millətin bir diasporunun olmasıdır:
“Bursa 2022-ci il üçün Türk dünyasının mədəniyyət paytaxtıdır. 2023-cü ildə də Şuşanın mədəniyyət paytaxtı olması qərara alındı. Burada diaspor toplantısında Türk dövlətləri- Azərbaycan, Türkiyə, Qazaxıstan, Özbəkistan, Türkmənistan, Kipr, eləcə də Macarıstandan nümayəndələr çağırılmışdı. Əsas hədəf tək diaspor olaraq fəaliyyət göstərməkdir. Bunun üçün hansı ölklər nə işlər görə bilər və s. müzakirə mövzusu oldu”.
Deputat deyib ki, Türk dövlətlərinin diaspor təşkilatları artıq bu təklif üzərində işləyəcək:
“Mən ilk gündə danışıqlara qatıldım. Bir millətin tək diasporu olaraq davam edilməsi danışıldı. Türk dünyasının Avropa və Amerikada fəaliyyət göstərən nümayəndələri birlikdə çalışacaqlar”.
