GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, türkmən jurnalist Anaməhəmməd Bayat İran rejiminin təhlükəsizlik orqanları tərəfindən çağırılıb, dindirilərək ona qarşı Günbəd İnqilab və Ümumi Prokurorluğunun 5-ci şöbəsinin müstəntiqi tərəfindən ittiham irəli sürüləndən sonra vəsiqə qarşılığında zaminə buraxılıb.
Bundan sonra isə fəalın dosyesi Ədliyyənin 2 nömrəli məhkəməsinə göndərilib. Lakin həmin şöbə işə baxmağa səlahiyyətinin olmadığı bildirərək dosyeni İnqilab məhkəməsinə göndərib.
Türkmən fəalın vəkili bildirib ki, fəal ölkə təhlükəsizliyinə qarşı qəsddə ittiham edilib.
Qeyd edək ki, Anaməhəmməd Bayat türkmənlərin tanınmış jurnalistidi və ictimai-siyasi, eləcə də mədəni məsələlər sahəsində fəaliyyət göstərir.
