Urmiya gölü 23 bəndlə qurudulur

GADTB-nin Mətbuat Mərkəzinə daxil olan məlumata görə, Urmiya gölü çaylar üzərində qurulan 23 bəndlə qurudulur.

Azərbaycanın ən böyük göllərindən biri olan, müxtəlif bitki və heyvan növlərinin əhəmiyyətli yaşayış yeri sayılan Urmiya gölü 23 bəndin tikintisi və su ehtiyatlarının düzgün idarə edilməməsi səbəbindən yox olmaq üzrədir.

Hazırda Urmiya gölünün ümumi həcmindən cəmi 10%-i qalıb. Suyun səviyyəsinin belə azalması ciddi ekoloji və iqtisadi fəsadlar törədir və milyonlarla köçəri quşların və bölgə sakinlərinin həyatını təhlükə altına atır.

Qeyd edək ki, Urmiya gölünün qurumasının əsas amillərindən biri də onun su hövzəsi ərazisində 23 bəndin tikilməsi və həmin bəndlər vasitəsiə gölə suyun axmasının qarşısının alınmasıdır.