Urmiya gölünün qurudulması bölgənin vəhşi təbiətini məhvi edir

GADTB: Urmu Gölü Milli Parkının rəisi Behzad Şirpəncə bildirib ki, Urmiya gölünün quruması və baş verən quraqlıq bölgənin vəhşi təbiyətinin məhv olması təhlükəsini yaradıb.

Şirpəncə  həmçinin deyib: “Kabudan, Spir, Arzu və Eşşək adaları Urmiya gölünün ən vacib vəhşi təbiət yaşayış yerləridirlər və bu adaların su ehtiyatlarında və bitki örtüyündəki hər hansı bir dəyişiklik əsas növlərin populyasiyasına birbaşa təsir göstərir”.

O, su ehtiyatlarının tükənməsi nəticəsində xüsusən qoç, sarı maral və bəzi su quşlarının daha çox məhv olma təhlükəsi ilə üzləşdikləri haqda xəbərdarlıq edib.

Qeyd edək ki, bir neçə il əvvələ kimi Urmiya gölü ətrafı və göldəki adalarda sarı maralların sayı minlərlə olub. Gölün qurudulması nəticəsində isə maralların sayı getdikcə azalaraq 2023-cü ildə 60-a, bu il isə 18-ə düşüb.