GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiya gölünün qurudulmasına etiraz olaraq gölün qurumuş yatağında insan zənciri təşkil edilib.
Bir qrup Urmiya şəhər sakini ekoloji fəaliyyətləri çərçivəsində simvolik bir addımla insan zənciri formalaşdıraraq Urmiya gölünün xəritəsi və onun ekosistemi ilə bağlı şəkilləri olan plakatlar nümayiş etdirib.
Bununla azərbaycanlı fəallar Urmiya gölünün tükənməkdə olan ömrünü xatırladaraq, ictimai rəyin diqqətini bu faciəyə yönəltməyə çalışıb, Azərbaycanın incisini bərpası və xilas etməyə çağırış ediblər.
60 metr uzunluğundakı bu pankartda milli parkın heyvan növlərini ehtiva edən Urmiya gölünün təsviri həkk olunub.
Qeyd edək ki, Urmiya gölü Milli Parkının Kəbudan (Qoyun dağı) və Əşk adalarında rast gəlinən ən əsas heyvan növlərindən qoç və qoyun, sarı maral və bəbir var.
