Vahid Əbhərinin müvəqqəti azadlığa buraxılması üçün girov yeni ittihamla ağırlaşdırılıb

GADTB: Azərbaycanlı milli-siyasi fəal Vahid Əbhəriyə qarşı Təbriz Ümumi və İnqilab Prokurorluğunun 3-cü istintaq şöbəsində yeni ittiham irəli sürülərək, onun barəsində seçilmiş girov ağırlaşdırılıb.

Bundan əvvəl, 1404-cü ilin 3 azər tarixində SEPAH-ın kəşfiyyat qüvvələri tərəfindən saxlanılan Əbhəri həmin təhlükəsizlik qurumunun təcridxanasında bir müddət təkadamlıq kamerada saxlanıldıqdan və daha sonra Təbriz həbsxanasına köçürüldükdən sonra “rejim əleyhinə təbliğat” ittihamı ilə 2 milyard rial məbləğində girov qarşılığında müvəqqəti azadlığa buraxılmışdı.

O, bu gün – şənbə günü çağırış vərəqəsi aldıqdan sonra Təbriz Ümumi və İnqilab Prokurorluğunun 3-cü istintaq şöbəsinə çağırılıb. İstintaq hakimi iclas zamanı ona “ictimai rəyi çaşdırmaq” ittihamını elan edib və barəsində əvvəllər müəyyən edilmiş 2 milyard riallıq girov məbləğini 4 milyard riala qaldırıb.