GADTB Güney Azərbaycan Demokratik Türk Birliyi
GADTB: “Jerusalem Post” qəzeti yazır ki, İranın ali rəhbəri Əli Xameneyinin ölümündən sonra ölkədə yaranacaq siyasi qeyri-sabitlik ABŞ və İsrail üçün rejimi dəyişmək baxımından nadir fürsət ola bilər.
Qəzetin analitik qeydində bildirilir ki, Xameneyinin ölümündən sonra onun varisinin müəyyənləşdirilməsi prosesində hakimiyyət daxilində dərin parçalanma və xaos yarana bilər.
Bu vəziyyətdə Amerika və İsrail “bacarıq və incəliklə” İslam Respublikasına qarşı daha ciddi strategiya həyata keçirə bilər.
“Xameneyinin öldürülməsi və ya həbs edilməsi rejimin süqutuna səbəb olmaz, əksinə, İranda reaksiyaları gücləndirərək vəziyyəti daha da gərginləşdirə bilər. Yalnız Xameneyinin öz əcəli ilə vəfat etməsi nəticəsində hakimiyyət daxilindəki rəqib qruplar arasında mübarizə kortəbii alovlana bilər”, – deyə, qəzet vurğulayıb.
