Cümə axşamı , Mart 28 2024
azfa

Xaricdə yaşayan azərbaycanlılara Azərbaycan türkcəsi tədrisi təklif edilib

GADTB-nin Mətbuat Mərkəzinin Kult.az saytına istinadən yaydığı məlumata görə, Şimali Azərbaycanın Milli Məclisinin millət vəkili Qənirə Paşayeva Azərbaycan türkcəsinin xaricdə yaşayan azərbaycanlılar üçün televiziya proqramlarında tədrisi təklif olunub. O deyib ki, dövlət büdcəsindən maliyyələşən telekanallarda Azərbaycan dili dərslərinin tədris edilməsi çox yaxşı olardı. Bununla da xaricdə yaşayan soydaşlarımız Azərbaycanla bağlı məlumatları daha rahat əldə edə bilərlər.

O bildirib ki, dünyada yaşayan azərbaycanlıların əksəriyyəti Azərbaycan dilində hazırkı qrafika ilə oxuya bilmirlər.

“Ona görə də diaspora nümayəndələri Azərbaycan telekanalları Azərbaycan dili dərslərini tədris etsinlər. Xüsusən də dövlət büdcəsindən maliyyələşən telekanallar bu addımı ata bilər”.

Millət vəkili həmçinin ödənişli ali təhsil alan əlil gənclərə ödəniş məsələsində kömək edilməsini təklif edib:

“Bu gənclərimizin sayı elə də çox deyil ki, bizə problem yaratsın. Hesab edirəm ki, bu qərar onlara stimul ola bilər. Yaxın zamanda əlil gənclər ödənişli təhsildən azad edilməsi ilə bağlı müraciət ediblər”.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Bir cavab yazın