Zəncan vilayətindəki Pəri gölü tamamilə qurudu

GADTB: Artıq üç aydan çoxdur ki, Zəncan vilayətində yerləşən Pəri gölü tamamilə quruyub. Böyük sahəyə malik bu göl indi tamamilə susuz qalıb və burada yaşayan təxminən 15 min balıq növü məhv olub.

Mütəxəssislərin sözlərinə görə, İranın su idarəçiliyi sistemi korrupsiya, səriştəsizlik və idarəetmədəki iflic vəziyyəti səbəbindən uzun müddətdir ciddi böhran yaşayır. Halbuki, Pəri gölünün qurtarılması çox çətin və ya baha başa gələn iş deyildi, lakin məsul qurumların laqeydliyi və hərəkətsizliyi nəticəsində göl tamamilə quruyub.

Bundan əlavə, Qızılüzən çayı da eyni səbəblərdən – rəsmi təyinli məmurların yanlış və məsuliyyətsiz idarəçiliyindən dolayı tam quruma təhlükəsi ilə üz-üzədir.