GADTB Güney Azərbaycan Demokratik Türk Birliyi
GADTB: Zəncanın Erəm məhəlləsindən (Lilabad) daxil olan məlumatlara görə, Milli Mənzil Hərəkatı layihəsində çalışan armatur ustaları noyabrın 4-dən etibarən aşağı əməkhaqqına etiraz olaraq işi dayandırıblar.
Etirazçı fəhlələr bildirirlər ki, hazırkı əməkhaqqı tarifləri yaşayış xərcləri və işin ağırlığı ilə uyğun gəlmir. Mövcud şərtlərlə işləməyin onlar üçün iqtisadi baxımdan sərfəli olmadığını deyirlər.
Fəhlələrin sözlərinə görə, yaşayış xərclərinin artması və ağır iş şəraiti bir sıra işçilərin mövcud əməkhaqqı ilə fəaliyyətlərini davam etdirmək istəməməsinə səbəb olub. Etirazçıların tələbi əməkhaqlarının yaşayış xərclərinə və iş şəraitinə uyğun şəkildə artırılmasıdır.
