چهار شنبه , نوامبر 13 2019
azfa
تازه ها

گونئی آذربایجان ایستیقلالچیلار بیرلیگی نین (گایب) تراختورون یاریشی ایله باغلی تراختورون طرفدارلارینا چاغیریش

گادتب: بیر توپلومو، میللت ائدن مشترک دیلی، تاریخی، یاشادیغی تاریخی وطنی، کولتور و مدنییتیدیر. اونو غرورلاندیران ایسه اؤلکه سینده اولان دمکراسی، اجتماعی عدالت، علم، اقتصادی گلیشمه، کولتور و ایدمان (ورزش) دا اولان باشاریلاریدیر.

ایشغال آلتیندا و بیر عصره یاخین آسیمیلاسونا معروض قالان گونئی آِذربایجان تورکو، تراختوری میللی هدف لری دوغرولتوسوندا گؤروب، اونا میللی تاکیمی (تیمی) کیمی باخیر، اونونلا غرور دویور. ایرقچی رئژیم ایسه بوتون ایمکانلارینی سفربر ائده رک، غیر اخلاقی – غیرحقوقی یوللار ایله قهرمان اولماسینا مانع اولماغا چالیشیر.

کئچن بیلدیریشیمیزده قئید ائدیلدییی کیمی، اونلار تراختورو اودوزدورماقلا اؤز ایرقچی دوشونجه لرینی قاباغا آپاریب، بیزه  اودوزان بیر میللت اولدوغوموزو وورقولاماق ایسته ییرلر. سون اویوندا  فارس ایرقچیلیغین سمبلی پرسپولیس تبریزده گونئی آزربایجانین مرکزینده اؤنجه دن بللی اولان قهرمانلیغی اعلان ائده رک، تحقیر ائدیجی سون ضربه نی وورماغا حاضیرلاشمیش لار. (۲۱ آذر ۱۳۲۵-ده  چیرکین آنلاشمالار نتیجه سینده آغیر سیلاحلاری الیمیزدن آلدیردیلار. قازانمالارینا امین اولدوقدان سونرا هجوما کئچدیلر و غلبه لرینی تبریزده شنلیک ائتدیلر. بوگون ده او چیرکین عمللرینی فوتبال (آیاق توپو) اویونوندا دا تکرار ائتمک نییتینده دیرلر).

ایرقچی رئژیم نه ایسته ییر؟

۱- تاماشاچیلار قاتیلیمادان (قاتیلمالارینا ایجازه وئرمه دن) اوینادیلماسینا چالیشاجاق. بئله لیکله پرسپولیسی غالیب گوسته ریب آذربایجانلیلاری  اؤز وطن لرینده تحقیر ائده جک لر.

۲- اگر تاماشاچی اولورسا دا ایمکان داخیلینده چوخ اولماسی نین قاباغینی آلماغا چالیشاجاق.

بیز نه ائتمه لییک؟

دوشمن بونو بیلمه لیدیر کی بیزیم تک بیر هدفیمیز واردیر. او دا قورتولوش مجادیله میزده ظفر قازانماق، مستقیلیییمیزی الده ائتمکدیر.  تراختور بو ایستکلری دیله گتیرمک اوچون بیر ایمکاندیر!

۱-تاماشاچیلارین ایشتیراکینا مانعه یارادیلیرسا تبریزین چئشیدلی میدانلارینا توپلانیب و اعتراض ائتمک له رئژیمین اویونلارینی پوچا چیخارتمالی ییق .

۲- اگر استادیوما تاماشاچی آلینیلرسا، اورانی دولدوروب و هر زامانکیندان داها اوجا، داها قاطعیت له میللی حاقلاریمیزی دیله گتیریب، ایرقجی حاکمیتین چیرکین اویونلارینی افشاء ائتمه لییک .

یاشاسین باغیمسیزلیق

رد اولسون ایرقچی –ایشغالچی رئژیم

دوباره امتحان کنید

حسن راشدی: گوش و چشم شوونیسم کر و کور است!

گادتب: اتفاق دهم آبان ماه ۱۳۹۸ از طرف تماشاگران طرفدار تیم «تراختور» در مسابقه فوتبال …

آذربايجان حقيقتلريني تبليغ ائدن آوسترالیا آذربایجان آسوساسیاسی کميته عضولري روزا خانيم و جئسيکا خانيمين ماگ تی وی-یه مصاحيبه‌سي-ويدئو

گادتب-نين مطبوعات مرکزينه داخيل اولان معلوماتا گؤره، آوستراليادا آذربايجان حقيقتلريني تبليغ ائدن آوستراليا آذربايجان آسوساسياسينين …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *