ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسی و گادتب-نین تشبوثو ایله آوسترالیادا آذربایجانا قارشی ائرمنی لوببی‌سی‌نین تخریباتینین قارشی‌سینی آلماق مقصدیله جنوبی اوئلز ویلایتی‌نین پارلامئنتینه و ایشچی پارتیاسینین لیدئری جودی مککایه مکتوب عنوانلانیب.
آوسترالیا آذربایجان آسوسیاسی پرئزیدئنتی و گادتب بئین الخاق علاقه‌لر دئپارتامئنتی‌نین صدری سایین میکاییل اویتانین وئردیگی معلوماتا گؤره ائرمنی لوببی‌سی‌نین تأثیری آلتیندا اولان آوسترالیا ایشچی پارتیاسی، واختیله داغلیق قاراباغا قانونسوز سفر ائتمیش دئپوتاتی واسطه‌سیله پارلامئنته آذربایجانا قارشی لایحه تقدیم ائتمیش‌دیر. لایحه‌ده بیلدیریلیر کی، گویا آذربایجان ائرمنیستان اراضی‌سینه حربی تجاووز ائدیب و تورکیه ده اونا یاردیما گلمیش‌دیر کی ائرمنی‌لری سویقیریما معروض قویسونلار.
ائرمنی لوببی‌سی‌نین آذربایجانا قارشی بو تخریباتی ایسه آوسترالیادا یاشایان آذربایجانلی‌لارین جدی ناراحاتلیغینا سبب اولموش‌دور. اونا گؤره ده آوسترالیا آذربایجان آسوسیاسی و گادتب-نین تششبوثو ایله بو اؤلکه‌ده فعالیت گؤسترن بیر نئچه تشکیلات آوسترالیادا آذربایجانا قارشی ائرمنی لوببی‌سی‌نین تخریباتینین قارشی‌سینی آلماق مقصدیله جنوبی اوئلسز ویلایتی‌نین پارلامئنتینه و ایشچی پارتیاسینین لیدئری جودی مککایه، ائله‌جه ده دیگر میللت وکیل‌لرینه مراجعت عنوانلامیش‌دیر.
مراجعتده آذربایجانین دئییل، عکسینه ائرمنیستانین آزربایجانین اراضی‌لرینه حربی تجاووز ائتدیگینی، حتی آذربایجان اراضی‌لری‌نین ایشغال ائدیلمه‌سینه دایر بیرلشمیش میللتلر تشکیلاتینین 4 قطعنامه‌سی ده مؤوجوددور.
همچینین بیلدیریلیر کی، آوسترالیا پارلامئنتی روس‌لارین و اونلارین الینده اویونجاغا چئوریلمیش ائرمنی‌لرین یوخ، آوسترالیانین منافعیینی مدافعه ائتمه‌لیدیر.
سایین میکاییل اویتا بیلدیرمیش‌دیر کی، میللت وکیل‌لری ایله گؤروشوب و ائرمنی تخریباتینین قارشی‌سینی آلماغا چالیشا‌جاق‌لار.
مکتوبو آشاغیداکی تشکیلات‌لار ایمضالامیش‌دیر:
آوسترالیا آذربایجان آسوسیاسی
آوسترالیا تورک وکیل‌لیک اتفاقی
آوسترالیا علوی مدنیت مرکزی
آوسترالیا آذربایجان مدنیت بیرلیگی
NSW تورک بیرلیگی شوراسی
شیما‌لی قیبریس تورک NSW درنه یی
گونئی آذربایجان دئموکراتیک تورک بیرلیگی
تورک قارادنیز فولکلور و دوستلوق جمعیتی
تورک رفاه درنه یی
مکتوبون اینگیلیسجه متنی:
